The news is by your side.

Advertisement

بیل آؤٹ پیکج : آئی ایم ایف کے نئے مشن چیف 26مارچ کو پاکستان آئیں گے

اسلام آباد : پاکستان اور آئی ایم ایف کے درمیان مذاکرات کیلئے نئے مشن کی آمد رواں ماہ متوقع ہے، نئے مشن چیف سے قرض پروگرام پر فیصلہ کن مذاکرات ہونے کا امکان ہے، اس کے علاوہ ایشیا پیسفیک گروپ کا وفد بھی رواں ماہ پاکستان کا دورہ کرے گا۔

تفصیلات کے مطابق انٹرنیشنل مانیٹری فنڈ کے نئے مشن چیف ارنیستو راماریز ریگو کی آمد چھبیس مارچ کومتوقع ہے، دورے میں نئے پروگرام کے حصول کیلئے بات چیت کی جائےگی اور حتمی مذاکرات کا امکان ہے۔

نئے مشن چیف ارنیستو راماریز ریگو ہیرالڈ فنگر کی جگہ پر تعینات ہوئے ہیں۔

وزارت خزانہ ذرائع کے مطابق پاکستان اور آئی ایم ایف میں معاہدہ جلد طے پاجائےگا، پاکستان آئی ایم ایف سے بارہ ارب ڈالر تک کا قرضہ لے سکتا ہے۔

دوسری جانب ایف اے ٹی ایف کے ذیلی گروپ اے پی جی کا بھی دورہ رواں ماہ متوقع ہے، ایشیا پیسفک گروپ کا وفد پچیس مارچ کو پاکستان آئےگا، دورے میں ایف اےٹی ایف کی گرے لسٹ سےنکلنے کیلئے کئے گئے اقدامات کا جائزہ لیا جائےگا۔

مزید پڑھیں :  آئی ایم ایف سے معاہدے پربات چیت آخری مرحلے میں ہے‘ اسد عمر

یاد رہے تین روز قبل   میڈیا سے گفتگو کرتے ہوئے وزیر خزانہ اسد عمر نے کہا تھا  پاکستان آئی ایم ایف سے معاہدے کے قریب پہنچ گیا ہے، آئی ایم ایف سے بیل آؤٹ پیکج پربات چیت آخری مرحلے میں ہے،  ممکنہ بیل آؤٹ پیکج پراختلافات میں کمی آئی ہے۔

وفاقی وزیر خزانہ کا کہنا تھا کہ حتمی معاہدہ  مذاکرات کے بعد ہوگا، اب تک بیل آؤٹ پیکج پر کوئی بھی رقم طے نہیں پائی،  آئی ایم ایف مشن کی پاکستان آمد سے قبل فنانشل ایکشن ٹاسک فورس ایشیا پیسیفک گروپ بھی پاکستان کا دورہ کرے گا۔

اسد عمر نے کہا تھا کہ فنانشل ایکشن ٹاسک فورس کے مشن کو حکومت کی جانب سے دہشت گردوں کی مالی معاونت کے حوالے سے اٹھائے گئے سخت اقدامات کے حوالے سے بریفنگ دی جائے گی۔

Comments

comments

یہ بھی پڑھیں