The news is by your side.

Advertisement

اداکارہ جاناں ملک نے کیک بیکنگ شروع کردی

انہوں نے اپنے گھر پراے آروائی کی سالگرہ پرکیک کاٹ کر جشن منایا

اداکارہ جاناں ملک نے اے آروائی نیٹ ورک کی سالگرہ اپنے گھر پر کیک بنا کر منارہی ہیں، انہوں نے حال ہی میں پروفیشنل کیک بیکنگ کا پراجیکٹ شروع کیا ہے۔

تفصیلات کے مطابق اے آروائی نیوز کے مارننگ شو ’ باخبر سویرا‘ سے براہ راست گفتگو کرتے ہوئے جاناں ملک نے اے آروائی کی انتظامیہ اور ٹیم کو مبارک باد دی اور اپنا تیار کردہ کیک دکھایا۔

مارننگ شو میں انہوں نے دکھایا کہ کس طرح انہوں نے اے آروائی کی سالگرہ کے موقع پر فاؤنٹین کیک تیار کیا جس کا نام چوکو لیشٔس ہے اور یہ ان کی اپنی تیار کردہ ترکیب ہے، جس میں اے آروائی کا ہیڈ آفس اور مبارک باد دینے کے لیے آتے ہوئے لوگ دکھائے گئے ہیں۔

جاناں ملک کا کہنا تھا کہ کیک بنانا ان کے لیے تناؤ دور کرنےکا سب سے تیز ذرائع ہے، ان کا کہنا تھا کہ اس آرٹ کو انہوں نے باقاعدہ سیکھا ہے اور وہ کیک بنانے کے لیے ہر کام اپنے ہاتھ سےکرتی ہیں اور ہائجین کا خیال کرنے کے لیے کسی ہیلپر کی بھی مدد نہیں لیتی ہیں۔

ان کا کہنا تھا کہ ان کے مداح اور جاننے والے اس سلسلے میں ان سے رابطہ کرتے ہیں لیکن وہ سب کے لیے نہیں بنا پاتیں، کیونکہ وہ ہر چیزعمدگی سے کرنا چاہتی ہیں۔

Comments

comments

یہ بھی پڑھیں