دبئی: سابق وزیراعظم بے نظیر بھٹو کی صاحبزادی بختاور بھٹو زرداری نے اپنی 28ویں سالگرہ کے موقع پر متحدہ عرب امارات کی اونچی عمارت سے چھلانگ لگا کر سالگرہ کا انوکھا جشن منایا۔
تفصیلات کے مطابق دبئی میں مقیم سابق صدر آصف علی زرداری کی صاحبزادی نے 25 جنوری کو اپنی 28ویں سالگرہ منائی اور اگلے روز وہ ایڈونچر کے لیے دبئی کی کثیرالمنزلہ عمارت پر پہنچی۔
دبئی میں مقیم بختاور بھٹو زرداری نے دبئی کی دو بلند ترین عمارتوں سے بندھے تار کے سہارے فضاء میں اڑان بھری اور اپنے جنم دن کا بھرپور جشن منایا۔
سالگرہ کے موقع پر اُن کے بھائی بلاول، بہن آصفہ سمیت کئی لوگوں نے بختاور کو مبارک باد پیش کی اور نیک تمناؤں کا اظہار بھی کیا۔
ویڈیوز دیکھیں
Bibi @BakhtawarBZ celebrates her 28th Birthday in Dubai. Adventure at its peak, flying on higher heights of 170 meters at 80 km/hour. 🎉🎉🎉 pic.twitter.com/6fYT3ZWYNs
— Majid Agha (@Majid_Agha) January 27, 2018
واضح رہے کہ بختاور بھٹو زرداری اپنے بہن بھائیوں میں دوسرے نمبر پر ہیں، وہ اپنے بھائی بلاول اور والد کے ساتھ سیاسی میدان میں بھی کافی متحرک نظر آتی ہیں۔
یہ بھی دیکھیں: بی بی شہید کی بیٹی آصفہ بھٹو باکسر بن گئیں، ویڈیو منظرعام پر
گزشتہ برس سابق صدر آصف علی زرداری نے آصفہ اور بلاول کو سیاسی میدان میں باقاعدہ اتارنے کا اعلان کرتے ہوئے کہا تھا کہ ’دونوں آئندہ انتخابات میں قومی اسمبلی کی نشست کے لیے انتخابات لڑیں گے‘۔
بے نظیر کی دونوں صاحبزادیاں کھیلوں اور ایڈونچرز میں کافی دلچسپی رکھتی ہیں انہوں نے گزشتہ برس پاکستانی نژاد برطانوی باکسر عامر خان سے باکسنگ کی تربیت بھی حاصل کی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
