site
stats
پاکستان

پیپلزپارٹی نے خواتین کو ہمیشہ ان کا جائز مقام دیا، بختاور بھٹو زرداری

کراچی: پیپلز پارٹی کی خواتین کے اعزاز میں افطار پارٹی کا اہتمام کیا گیا جس میں بختاور اور آصفہ بھٹو زرداری نے شرکت کی۔

تفصیلات کے مطابق بختاور بھٹو اور آصفہ بھٹو زرداری نے پیپلزپارٹی خواتین کے اعزاز میں افطار ڈنر کا اہتمام کیا، جس میں معروف قوال امجد صابری کے ایصال ثواب کیلئے خصوصی طور پر فاتحہ خوانی کرائی گئی ۔

آصفہ بھٹو زرداری اور بختاور بھٹو زرداری نے سانحہ اٹھارہ اکتوبر کے شہداء کے خاندانوں کے ساتھ افطاری کی ۔ پیپلزپارٹی کی خواتین کو یہ افطار بلاول ہاؤس میں دی گئی ، جہاں پیپلزپارٹی کی خواتین اراکین کے ساتھ ساتھ شہداء اٹھارہ اکتوبر کی متاثرہ خاندانوں کو بھی مدعو کیا گیا تھا ، بختاور بھٹو زرداری اور آصفہ بھٹو زرداری وہاں موجود خواتین میں گھل مل گئیں، خواتین سے ان کے مسائل، علاقے کے مسائل پر پر بات چیت کی۔

اس دوران بختاور بھٹو زرداری کاکہنا تھا کہ پیپلزپارٹی نے ہمیشہ خواتین کو ان کا جائز مقام دیا ہے ، اور یہی وجہ ہے کہ پارلیمنٹ سے لیکر پارٹی عہدوں پر خواتین کو سب سے ذیادہ عزت اسی جماعت میں دی جاتی ہے ، شہید محترمہ بے نظیر بھٹو نے اپنے دور اقتدار میں سب سے ذیادہ خواتین کو ہی بااختیار کیا۔

آصفہ بھٹو زرداری کاکہنا تھا کہ خواتین کا کردار ہر جگہ پر اہم ہے اور ان کے بغیر معاشرتی ترقی ممکن نہیں اس لیے ضرورت اس بات کی ہے کہ خواتین کو ان کاجائز حق ملنا چاہیے تاکہ وہ معاشرے میں باعزت مقام حاصل کرسکیں۔ ہمیں فخر ہے کہ پاکستان میں رہنے والی خواتین ہرشعبے میں اپنا نمایاں مقام حاصل کررہی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top