بکلاوا مشرق وسطیٰ اور ترکی میں کھائی جانے والی مشہور مٹھائی ہے۔ تہہ در تہہ بنائی جانے والی اس مٹھائی کو شہد کے ساتھ کھایا جاتا ہے۔
آج ہم آپ کو اسے بنانے کی ترکیب بتا رہے ہیں جس کے بعد آپ باآسانی اسے گھر پر بھی تیار کرسکیں گے۔
اجزا
پف پیسٹری: آدھا کلو
مکھن پگھلا ہوا: 100 گرام
تیل: 1 چوتھائی کپ
پستے باریک کٹے ہوئے: آدھا پاؤ
چینی: 1 پاؤ
پانی: آدھا کپ
لیموں کا رس: 1 کھانے کا چمچ
شہد: 2 کھانے کے چمچ
ترکیب
پہلے مکھن اور تیل کو اچھی طرح ایک ساتھ ملالیں۔
اب پف پیسٹری کو چار حصوں میں کاٹ کر اسے بیلنا شروع کر دیں۔
تیل اور مکھن کے مکسچر سے ایک اوون پروف ڈش کو گریس کر لیں۔
پف پسٹری کی پہلی تہہ اس میں بچھا دیں۔
برش کی مدد سے اس کے اوپر مکھن اور تیل کی پالش کریں۔
پھر تھوڑے سے باریک کٹے پستے پھیلائیں۔
اب اس پر دوسری پف پیسٹری کی تہہ رکھیں اور باقی سارا عمل دہرائیں۔
اس طرح 4 تہیں لگالیں۔
جب تمام تہیں مکمل ہو جائیں تو اس پر چھری کی مدد سے ڈائمنڈ کی شکل میں کٹ لگائیں۔
اب اسے اوون میں 200 ڈگری پر 30 سے 35 منٹ تک بیک کر لیں یہاں تک کہ سنہرا رنگ آجائے۔
ایک کڑاہی میں چینی، آدھا کپ پانی، لیموں کا رس اور شہد شامل کر کے ہلکی آنچ پر پکالیں۔
سیرپ اچھی طرح گاڑھا ہو جائے تو اسے پیالے میں نکال کر ایک طرف رکھ دیں۔
بکلاوا تیار ہو جائے تو اسے اوون سے نکال لیں اور اس پر تیار سیرپ پھیلا کر ڈالیں۔
تھوڑا ٹھنڈا ہونے کے بعد ڈائمنڈ کی شکل میں کاٹ کے سرو کریں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
