The news is by your side.

Advertisement

شارجہ ٹیسٹ : اسٹورٹ براڈ کی بال ٹمپرنگ پر کئی سوالیہ نشان اٹھ گئے

شارجہ: شارجہ ٹیسٹ میں انگلش بولر اسٹورٹ براڈ کی گیند کے ساتھ چھیڑ چھاڑ انٹرنیشنل کرکٹ کونسل کے کسی آفیشل کو ناگوار نہ گزری۔

تفصیلات کے مطابق آئی سی سی کے دہرے معیار کی شدت بڑھتی جارہی ہے۔ شارجہ ٹیسٹ میں انگلش بولر اسٹورٹ براڈ نے گیند سے اپنے ناخن کے ذریعے چھیڑ چھاڑ کی ۔

شکست سامنے دیکھ کر براڈ تمام قانون بھول گئے۔ سوئنگ کرانے کے لئے انگلش بولر نے غیرقانونی طریقہ اپنایا ،سوئنگ کرنے کے لئے براڈ نے گیند پر ناخن سے خوب رگڑ لگائی۔

کیمرے کی انکھ سب دیکھتی رہی۔ لیکن اس وقت آئی سی سی اور امپائرز کی آنکھیں شاید بند تھیں۔ اسٹورٹ براڈ نے تباہ کن سوئنگ سے کپتان مصباح الحق اور اسد شفیق کو آؤٹ کیا۔

ایسی سوئنگ دیکھ کر تو ماہرین بھی حیران تھے کہ براڈ نے کوئی جادو سیکھ لیا ہے۔ سوائے آئی سی سی کے کرتا دھرتا اور فیلڈ امپائرز کے سب حیران تھے۔

براڈ جیسی حرکت کسی پاکستانی کھلاڑی نے کی ہوتی تو اب تک بے ایمانی کے الزامات کے ساتھ طوفان مچ گیا ہوتا۔سوال یہ پیدا ہوتا ہے کہ کیا آئی سی سی براڈ کیخلاف کوئی ایکشن لے گا؟

Print Friendly, PDF & Email

Comments

comments

یہ بھی پڑھیں