The news is by your side.

Advertisement

سعودی عرب پر بیلسٹک میزائل حملہ، پاکستان کی مذمت

اسلام آباد: پاکستان نے سعودی عرب پر بیلسٹک میزائل حملے کی شدید مذمت کی ہے۔

تفصیلات کے مطابق ترجمان دفتر خارجہ نے کہا ہے کہ سعودی عرب پر بیلسٹک میزائل حملے کی ہم مذمت کرتے ہیں۔

ترجمان کے مطابق بیلسٹک حملہ سعودی شہر جزان میں کیا گیا، حملے کے باعث ہلاکتیں ہوئیں اور متعدد افراد زخمی ہوئے ہیں۔

سعودی عرب پر میزائل حملے میں سویلین انفرا اسٹرکچر کو بھی نقصان پہنچا ہے، ترجمان دفتر خارجہ نے کہا کہ ایسے حملے عالمی قوانین کی خلاف ورزی ہے۔

ترجمان کا کہنا تھا میزائل حملے سعودی عرب اور خطے کے امن کے لیے بھی خطرہ ہے، اور پاکستان سعودی عرب کی حمایت کرتا ہے۔

واضح رہے کہ سعودی عرب کے سرحدی شہر جزان پر یمنی حوثی باغیوں کے حملے کے نتیجے میں 2 افراد جاں بحق اور 7 زخمی ہو گئے ہیں، حوثیوں کی جانب سے فائر کیے گئے میزائل سے جاں بحق ہونے والوں میں ایک سعودی اور ایک یمنی شہری شامل ہے۔

سعودی شہری دفاع نے ایک بیان میں کہا کہ ایک ملٹری پروجیکٹائل مرکزی سڑک پر ایک تجارتی اسٹور پر گرا، جس کے نتیجے میں دو افراد ہلاک ہو گئے۔

Comments

یہ بھی پڑھیں