راولپنڈی : ڈی جی آئی ایس پی آر میجر جنرل آصف غفور نے کہا ہے کہ محب وطن بلوچوں کی قومی دھارے میں شمولیت جاری ہے جنہیں چند لوگوں نے راہ سے بھٹکا دیا تھا.
ان خیالات کا اظہار انہوں نے سماجی رابطے کی ویب سائیٹ ٹویٹ پر تحریر کیے گئے اپنے ایک پیغام میں کیا، ڈی جی آئی ایس پی آر کا کہنا تھا کہ محب وطن بلوچوں نےغیرملکی اسپانسرڈ شدہ دہشت گردی کو رد کرتے ہوئے اور پاکستان سے اپنی وابستگی کو برقرار رکھتے ہوئے قومی دھارے میں شمولیت اختیار کی.
ڈی جی آئی ایس پی آر آصف غفور نے کہا کہ خوشحال بلوچستان کے لیے سول ملٹری قیادت کی کوششں رنگ لا رہی ہیں اور راہ سے بھٹکے ہوئے بلوچوں کا قومی دھارے میں واپس آنا ایک بہت بڑی کامیابی ہے جس کے تحت بلوچ فراری کمانڈرز ہتھیار پھینک کر پُرامن شہری کے طور پر ملک کی خدمت کریں گے.
کوئٹہ : 17 کمانڈروں سمیت 313 فراریوں نے ہتھیار ڈال دیے
خیال رہے آج کوئٹہ میں ایک تقریب کے دوران وزیراعلیٰ بلوچستان، وزیر داخلہ اور کمانڈرز سدرن کماند جنرل عاصم باجوہ کی موجودگی میں 17 بلوچ کمانڈرز کا ہتھیار پھینک کر قومی دھارے میں شامل ہوئے ہیں.
