کوئٹہ (17 جون 2026): صوبہ بلوچستان کا مالی سال 27-2026 کے لیے بجٹ آج پیش کیا جائے گا جس میں سرکاری ملازمین کو ریلیف دیا جائے گا۔
اے آر وائی نیوز کے مطابق بلوچستان کا اگلے مالی سال 27-2026 کے لیے بجٹ آج صوبائی اسمبلی میں پیش کیا جائے گا۔ وزیر خزانہ بجٹ پیش کریں گے۔
مجوزہ بجٹ میں غیر ترقیاتی اخراجات کا حجم 800 ارب روپے رکھے جانے کا تخمینہ لگایا گیا ہے جب کہ پی ایس ڈی پی کے تحت ترقیاتی بجٹ کے لیے 300 ارب روپے مختص کیے جانے کا امکان ہے۔
بجٹ میں صوبے میں تعلیم کے لیے 150 ارب روپے، امن و امان کے شعبے کے لیے 130 ارب روپے جب کہ صحت کے شعبے کے لیے 70 ارب روپے مختص کیے جانے کا امکان ہے۔
بلوچستان کے بجٹ میں سرکاری ملازمین کی تنخواہوں میں وفاق کی طرز پر ریلیف اور اضافے کی تجویز زیر غور ہے۔ تنخواہ، پنشن اور دیگر اخراجات کے لیے 170 ارب روپے مختص کیے جانے کی تجویز ہے۔
صوبے کے بجٹ میں نئے مالی سال کے دوران 3 ہزار نئی سرکاری اسامیوں کا اعلان بھی متوقع ہے۔
خیبرپختونخوا میں کتنے مہینے کا بجٹ پاس ہوگا؟ پارٹی رکن کا اہم اعلان
