بلوچستان کابینہ نے گوادر یونی ورسٹی بنانے کا اعلان کر دیا -
The news is by your side.

Advertisement

بلوچستان کابینہ نے گوادر یونی ورسٹی بنانے کا اعلان کر دیا

کوئٹہ: وزیرِ اعلیٰ بلوچستان جام کمال کی زیرِ صدارت صو بائی کابینہ کا اجلاس منعقد ہوا، جس میں بلوچستان کابینہ نے گوادر تحصیل کو مکمل ایریا قرار دینے کی منظوری دے دی۔

تفصیلات کے مطابق بلوچستان کابینہ کے اجلاس میں گوادر سے متعلق اہم فیصلے کیے گئے، اجلاس جام کمال کی زیرِ صدارت منعقد ہوا، کابینہ میں فیصلہ ہوا کہ گوادر تحصیل کا اسٹیٹس تبدیل کر کے اسے مکمل علاقہ بنایا جائے۔

گوادار یونی ورسٹی اور بلوچستان انسٹیٹیوٹ آف کارڈیالوجی بنانے کا تاریخی قدم

بلوچستان کابینہ نے گوادر میں یونی ورسٹی بنانے کا بھی فیصلہ کیا، کابینہ کی جانب سے گوادر یونی ورسٹی بنانے کے ایکٹ کے ڈرافٹ بل کی منظوری بھی دی گئی۔

کابینہ اجلاس میں لیویز فورس کے سلسلے میں اہم قدم اٹھاتے ہوئے بلو چستان لیویز فورس کے 4 سالہ منصوبے کی اصو لی منظوری بھی دے دی گئی، 8 ارب روپے کی لا گت سے یہ منصو بہ 4 مراحل میں مکمل ہوگا۔ منصوبے پر پائے جانے والے تحفظات کو دور کرنے کے لیے فیکٹ فائنڈنگ کمیٹی کی تشکیل کا بھی فیصلہ کیا گیا۔


یہ بھی پڑھیں:  ایف سی بلوچستان نے محرم میں دہشت گردی کا بڑا منصوبہ ناکام بنا دیا


کوئٹہ میں منعقد ہونے والے کابینہ اجلاس کی کارروائی کے دوران گزشتہ دور میں کی گئی بھرتیوں پر بھی تحفظات کا اظہار کیا گیا، اجلاس میں کہا گیا کہ یہ بھرتیاں سیاسی بنیادوں پر کی گئی ہیں۔

بلوچستان کابینہ نے صحت کے شعبے میں ایک بڑا فیصلہ کرتے ہوئے بلوچستان انسٹیٹیوٹ آف کارڈیالوجی کے قیام کے منصوبے کی منظوری دی، جب کہ وزیرِ اعلیٰ کے معاونِ خصوصی کی تعیناتی کے لیے رولز آف بزنس میں ترمیم کی بھی منظوری دی گئی۔

Comments

comments

یہ بھی پڑھیں