The news is by your side.

Advertisement

بلوچستان فوڈ اتھارٹی کی کوئٹہ کے مختلف علاقوں میں کارروائیاں

کوئٹہ: صوبہ بلوچستان کے دارالحکومت کوئٹہ میں بلوچستان فوڈ اتھارٹی نے کارروائیاں کرتے ہوئے ریسٹورنٹس کو غیرمعیاری اجزاء کے استعمال پر وارننگ نوٹسز اور جرمانے بھی کیے۔

تفصیلات کے مطابق بلوچستان فوڈ اتھارٹی کی آپریشنل ٹیم نے ڈائریکٹر جنرل بی ایف اے میجر (ر) بشیر احمد کی ہدایت پر کوئٹہ شہر کے مختلف علاقوں سیٹلائٹ ٹاؤن، سرکی روڈ، جناح روڈ اور پشین اسٹاپ میں کارروائی کرتے ہوئے مختلف اشیاء خورد و نوش کی تیاری میں غیر معیاری اجزاء کے استعمال اور صفائی کے ناقص انتظامات پر ریسٹورنٹس اور بیکریوں کو جرمانے کیے۔

علاوہ ازیں بیکری ا ور ریسٹورنٹس مالکان وعملے کو بی ایف اے حکام نے پروڈکشن کی تیاری کو حفظان صحت کے اصولوں کے مطابق کرنے اور عوام کو معیاری و محفوظ خوراک فروخت کرنے کے حوالے سے ہدایات دیں اور اس سلسلے میں مذکورہ کھانے پینے کے مراکز کے مالکان وعملے کو خصوصی ہدایت نامے بھی جاری کیے گئے۔

یاد رہے کہ رواں سال 3 اپریل کو ڈی جی فوڈ اتھارٹی بشیر احمد کی ہدایت پر کوئٹہ کے مختلف ہوٹلز اور دکانوں پر کارراوئیوں کے دوران ناقص اشیاء خورد و نوش فروخت کرنے والے دو ہوٹل اور ایک بیکری کو سیل کردیا تھا۔

ڈائریکٹر جنرل بی ایف اے میجر (ر) بشیر احمد کا کہنا تھا کہ ہوٹل مالکان صفائی کے نظام کو بہتر بنائے، ناقص اشیاء کی فروخت کرنے والوں کے خلاف کسی قسم کی کوئی رعایت نہیں برتی جائے گی۔

Comments

یہ بھی پڑھیں