فرنٹیئرکور بلوچستان کی کارروائی: مقابلے میں کالعدم تنظیم کے آٹھ دہشت گرد ہلاک -
The news is by your side.

Advertisement

فرنٹیئرکور بلوچستان کی کارروائی: مقابلے میں کالعدم تنظیم کے آٹھ دہشت گرد ہلاک

تربت : فرنٹیئرکور بلوچستان اور حساس اداروں نے بلوچستان کے ضلع کیچ میں بلنگور اور زرین بگ کے علاقے شرپسندوں سے کلیئر کرالئے ہیں۔

فائرنگ کے تبادلے میں کالعدم تنظیم کے آٹھ شرپسند ہلاک ہوگئے ہیں،ہلاک ہونے والے دہشت گردوں کا تعلق کالعدم تنظیم سے تھا جن کے قبضے سے اسلحہ بھی برآمد ہوا۔مرنے والے دہشت گردوں میں کالعدم تنظیم کا اہم کمانڈر بھی شامل ہے۔

ترجمان ایف سی کے مطابق فرنٹیئرکوربلوچستان اورحساس اداروں نے تربت میں بلنگوراورزرین بگ کاعلاقہ شرپسندوں سے کلیئرکرالیا گیا ہے اس دوران فائرنگ کے تبادلے میں 8شرپسند ہلاک ہوگئے۔

دوسری جانب قلات کے علاقے بینچہ سوراب میں آپریشن کے دوران کالعدم تنظیم کا کمانڈرمارا گیا، جس کے قبضے سے خود کار ہتھیاربرآمد کئے گئے۔

ایک اور کارروائی میں قلات کے علاقے منگوچر میں ایک کمین گاہ سے بھاری مقدار سے بارود برآمد کرکے قبضے میں لے لیا گیا ہے۔

واضح رہے کہ اس سے قبل بھی سیکیورٹی فورسز کی جانب سے بلوچستان کے مختلف اضلاع میں کئی سرچ آپریشن کیے گئے جن میں متعدد شدت پسندوں اور کالعدم تنظیموں کے دہشت گردوں کو ہلاک کیا جاچکا ہے۔

Comments

comments

یہ بھی پڑھیں