بلوچستان حکومت نے وزراء کے لیے کروڑوں روپے مالیت کی نئی گاڑیاں خرید لیں
The news is by your side.

Advertisement

بلوچستان حکومت نے وزرا کے لیے کروڑوں روپے مالیت کی نئی گاڑیاں خرید لیں

کوئٹہ: بلوچستان حکومت نے وزراء کے لیے کروڑوں روپے مالیت کی نئی گاڑیاں خرید لیں، گاڑیوں کی مجموعی مالیت 13 کروڑ سے زائد ہے۔

تفصیلات کے مطابق بلوچستان حکومت کی جانب سے وزراء کے لیے بیس نئی گاڑیاں خریدی گئی ہیں، خریدی گئی گاڑیوں کی مجموعی مالیت تیرہ کروڑ سے زائد ہے۔

ذرائع کا کہنا ہے کہ خریدی جانیوالی گاڑیوں کی فی عدد قیمت پچاس سے پینسٹھ لاکھ روپے ہے، سابقہ وزراء کو دی جانے والی گاڑیاں بلوچستان حکام نے پرانی قرار دی دیں۔

وزیراعلیٰ بلوچستان جام کمال خان نے موقف اختیار کیا ہے کہ گاڑیوں کی خرید سابقہ حکومت نے کی ہے، سہولت دینے میں کوئی قباحت نہیں ہے۔

بلوچستان میں آج 95 ہزارپودے لگائے جائیں گے‘ وزیراعلیٰ بلوچستان

ان کا مزید کہنا تھا کہ کام ہونا چاہیے، سیاستدان اور افسران کام کریں تو انہیں سہولیات فراہم کی جانی چاہئیں۔

خیال رہے کہ گذشتہ دنوں میڈیا سے گفتگو کرتے ہوئے وزیر اعلیٰ بلوچستان نے کہا تھا کہ کام اچھا ہوتا ہے تو افسران کو اچھی سہولتیں ملنی چاہئیں، اگر کام بہتر نہیں ہوتا تو اخراجات کم ہونے چاہئیں۔

انہوں نے یہ بھی کہا تھا کہ جو کچھ ماضی میں ہوا اس کی وجہ سے صوبہ خسارے میں ہے، بہتری کے لیے کوشش کررہے ہیں جبکہ تعلیم، صحت اورپانی کے مسائل سے متعلق پالیسی بنا رہے ہیں۔

Comments

comments

یہ بھی پڑھیں