کوئٹہ: کروناوائرس کے پیش نظر بلوچستان حکومت نے سرکاری دفاتر کی تعطیلات میں توسیع کردی، 7 کے سوا تمام محکموں کے دفاتر تاحکم ثانی بند رکھنے کا حکم دے دیا۔
تفصیلات کے مطابق تعطیلات سے متعلق جاری کردہ نوٹیفکیشن میں کہا گیا ہے کہ صحت، داخلہ، سی ایم آئی ٹی، خزانہ اور پی اینڈ ڈی، اطلاعات اور ایس اینڈ جی اے ڈی کے دفاتر کھلے رہیں گے جبکہ اس کے علاوہ دیگر محکمے تاحکم ثانی بند رہیں گے۔ صوبائی حکومت نے اعلان کردیا۔
نوٹیفکیشن میں ہدایت کی گئی ہے کہ مذکورہ 7محکمے 30فیصد اسٹاف کو دفاتربلائیں، جبکہ 70 فیصد ملازمین گھروں میں رہیں اور نئی ہدایت کا انتظار کریں۔
سپریم کورٹ نے کرونا سے متعلق احتیاطی تدابیر اختیار کرلیں
دوسری جانب بلوچستان میں انجمن تاجران نے کل سے کاروبار اور دکانیں بند کرنے کا اعلان کردیا۔ انجمن تاجران کا کہنا ہے کہ دودھ، گوشت کی دکانیں اور میڈیکل اسٹور کھلی رہیں گی۔
شہریوں کو ہدایت کی گئی ہے کہ وہ کرونا سے احتیاطی تدابیر اپناتے ہوئے گھروں میں رہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں