کوئٹہ: بلوچستان حکومت نے کورونا میں بندش کے دوران نجی تعلیمی اداروں کی فیسوں میں 20 فیصد کمی کا اعلان کرتے ہوئے کہا پرائمری سے ہائیر سکینڈری تک کے طلبا کو یکم اپریل سے فیس میں رعایت دی جائے۔
تفصیلات کے مطابق بلوچستان کے نجی تعلیمی اداروں کو 20 فیصد کم فیس لینے کی ہدایت کردی ، اس حوالے سے نجی تعلیم ریگولیٹری اتھارٹی نےاعلامیہ جاری کردیا ہے ، جس میں کہا ہے کہ کورونا میں بندش کے دوران نجی اسکول 20 فیصد کم فیس لیں۔
پرائمری سے ہائیر سکینڈری تک کے طلبا کو یکم اپریل سے فیس میں رعایت دیتے ہوئے کہا ہے کہ جن سے پوری فیس وصول کی جاچکی وہ آئندہ ماہ ایڈجسٹ کی جائے۔
یاد رہے کورونا کی تیسری لہر میں وزارت تعلیم نے بڑا فیصلہ کرتے ہوئے اسلام آباد کےنجی تعلیمی اداروں کی فیسوں میں 20فیصد کمی کا اعلان کرتے ہوئے اس حوالے سے نوٹی فکیشن بھی جاری کردیا تھا۔
نوٹی فکیشن میں کہا گیا تھا کہ اپریل اور مئی کے فیسوں میں 20فیصد کمی کی جائے اور فیسوں میں کمی کا اطلاق 8ہزار زائدفیسوں والےاداروں پرہوگا۔
