The news is by your side.

Advertisement

بلوچستان حکومت کا عثمان کاکڑ کی موت کی جوڈیشل تحقیقات کا فیصلہ

کوئٹہ: بلوچستان حکومت نے پشتونخوا ملی عوامی پارٹی کے سینیئر رہنما اور سابق سینیٹر عثمان کاکڑ کی موت کی جوڈیشل تحقیقات کا فیصلہ کرلیا ہے۔

تفصیلات کے مطابق بلوچستان حکومت نے شتونخوا ملی عوامی پارٹی کے سینیئر رہنما عثمان کاکڑ کی موت کی جوڈیشل تحقیقات کا فیصلہ کرتےہوئے کہا ہے کہ بلوچستان ہائیکورٹ کے 2ججزکی سربراہی میں تحقیقاتی ٹیم تشکیل دی جائے گی۔

ترجمان بلوچستان حکومت کا کہنا ہے کہ جوڈیشل ٹیم کی تشکیل کا مراسلہ جاری کردیا گیا ہے، جس میں کہا گیا ہے کہ جوڈیشل کمیشن کے قیام سے متعلق جج صاحبان کی نامزدگی ارسال کی جائے۔

یاد رہے پشتونخواہ میپ کے سابق سینیٹر عثمان کاکڑ سرپرچوٹ لگنےسےشدیدزخمی ہوئے، جس کے بعد انھیں کوئٹہ سے کراچی کے نجی اسپتال منتقل کیا گیا تاہم وہ 21 جون کو انتقال کرگئے تھے۔

بعد ازاں مرحوم عثمان کاکڑ کے بیٹے نے والد کے قتل کا شبہ ظاہر کیا تھا ، بیٹے خوش حال خان نے دعویٰ کیا تھا کہ میرے والد کو قتل کیا گیا ہے، واقعے کے وقت والدگھر میں اکیلے تھے، لگتا ہے ان پر ایک سے زیادہ افراد نے حملہ کیا ہے۔

عثمان کاکڑ کی لاش کے پوسٹ مارٹم کی رپورٹ میں وجہ موت طبعی قرار دے دی گئی تھی ، ابتدائی رپورٹ میں بتایا گیا تھا کہ لاش پر کسی تشدد یا جسمانی زخم کے نشانات نہیں ہیں، سابق سینیٹر کی موت کی وجہ برین ہیمبرج سے ہوئی۔

Comments

یہ بھی پڑھیں