کوئٹہ: وزیراعلیٰ بلوچستان میرعبدالقدوس بزنجوکی مشکلات میں اضافہ ہوگیا ، بی اے پی پارلیمانی اراکین کے اعزاز میں دیا گیا عشائیہ اختلافات کے باعث منسوخ کردیا گیا۔
تفصیلات کے مطابق بلوچستان میں حکمران جماعت میں اختلافات کھل کر سامنے آگئے اور وزیراعلیٰ بلوچستان میرعبدالقدوس بزنجوکی مشکلات میں اضافہ ہوگیا۔
ذرائع نے بتایا کہ بی اے پی پارلیمانی اراکین کےاعزازمیں عشائیہ اختلافات کے باعث نہ ہوسکا۔
گزشتہ رات کے لئے بی اےپی پارلیمانی اراکین کو عشائیہ کے دعوت نامے جاری کئے گئے تھے لیکن بلوچستان عوامی پارٹی کے ناراض اراکین نے عشایئے میں شرکت سے انکار کردیا۔
جام کمال کی مخالفت کرکے ساتھ دینے والے ارکان قدوس بزنجو سے نالاں ہیں، ذرائع نےمزید بتایاکہ وزیراعلٰی میرعبدالقدوس قدوس بزنجو اپنے قریبی ساتھیوں کو لیکر اسلام آباد پہنچ گئے۔
ذرائع کے مطابق عبدالقدوس بزنجو کل چئیرمین سینیٹ صادق سنجرانی سے ملاقات کریں گے جبکہ انھوں نے پارٹی کا مشاورتی اجلاس طلب کرلیا، جس میں وزیراعظم کے خلاف تحریک عدم اعتماد پر مشاورت ہوگی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں