بیلہ: مسافر کوچ اور ٹرک میں تصادم، 8 افراد جاں بحق،15زخمی -
The news is by your side.

Advertisement

بیلہ: مسافر کوچ اور ٹرک میں تصادم، 8 افراد جاں بحق،15زخمی

بیلہ: بلوچستان کے علاقے بیلہ کے قریب مسافر کوچ اور ٹرک میں تصادم کے نتیجے میں آٹھ افراد جاں بحق اور خواتین ،بچوں سمیت پندرہ افراد زخمی ہوگئے ۔

پولیس حکام کے مطابق مسافر کوچ اور ٹرک میں حادثہ آر سی ڈی شاہراہ پر بیلہ کے قریب ویل پٹ کے مقام پر پیش آیا، کوئٹہ سے کراچی آنے والی کوچ اور سامنے سے آنے والے ٹرک میں تصادم ہوا، حادثے کی اطلاع ملتے ہیں امدادی ٹیمیں جائے وقوع پر پہنچیں۔

ریسکیو اہلکاروں نے حادثے کے نتیجے میں جاں بحق اور زخمی ہونے والوں کو اسپتال منتقل کیا، زخمیوں میں خواتین اور بچے بھی شامل ہیں۔

ڈاکٹر ز کے مطابق کئی زخمیوں کی حالت تشویشناک ہے، جس کی وجہ سے ہلاکتوں میں اضافے کا خدشہ ہے.

Comments

comments

یہ بھی پڑھیں