تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بلوچستان، اسمارٹ‌ لاک ڈاؤن کے خاتمے کے حوالے سے بڑا اعلان

کوئٹہ: بلوچستان حکومت نے صوبے بھر میں نافذ ہونے والے اسمارٹ لاک ڈاؤن کو ختم کرنے کا اعلان کردیا۔

اے آر وائی نیوز کی رپورٹ کے مطابق محکمہ داخلہ بلوچستان نے صوبے بھر میں 15 اگست تک نافذ کیے جانے والے اسمارٹ لاک ڈاؤن کا نوٹی فکیشن واپس لے لیا۔

محکمہ داخلہ کی جانب سے نوٹی فکیشن واپس لینے کے بعد صوبے بھر میں اسمارٹ لاک ڈاؤن کو ختم کردیا گیا۔

بلوچستان میں اسمارٹ لاک ڈاؤن ختم ہونے کے بعد کل سے تمام کاروباری مراکز، مارکیٹس، اسٹورز پر عائد ہونے والے اوقات کار کو ختم کردیا گیا جس کے بعد انہیں رات گئے تک کھلنے کی اجازت ہوگی۔

یاد رہے کہ محکمہ داخلہ بلوچستان نے کہا ہے کہ صوبے میں اسمارٹ لاک ڈاؤن کے نفاذ کا نوٹی فکیشن جاری کیا تھا جس کے تحت شاپنگ مالز، مارکیٹس اور گوداموں کو  ہفتے میں 6 روزصبح 9 سے شام 7 بجے تک کھلنے کی اجازت دی گئی تھی۔

محکمہ داخلہ کی جانب سے جاری نوٹی فکیشن میں کہا گیا تھا کہ اسمارٹ لاک ڈاؤن کے دوران بلوچستان میں ریسٹورنٹس، ہوٹلز کو ہوم ڈلیوری اور ٹیک آوے سروس کے لیے 24گھنٹے کھلا رکھے جاسکیں گے، جبکہ کسی بھی دکان میں ایک وقت میں 4 سے زائد لوگ موجود نہیں ہوں گے۔

صوبائی حکومت نے کاروباری حضرات کو خبردار کیا تھا کہ وہ ایس او پیز کی پابندی کو ہر صورت یقینی بنائیں۔

Comments

- Advertisement -