The news is by your side.

Advertisement

فضائی آلودگی کے خلاف بلوچستان حکومت نے مہم کا آغاز کردیا

کوئٹہ: وزیراعلیٰ بلوچستان سردار جام کمال کی ہدایت پر صوبے میں فضائی آلودگی کے خلاف محکمہ ماحولیات بلوچستان نے مہم کا آغاز کردیا۔

تفصیلات کے مطابق وزیراعلیٰ بلوچستان جام کمال خان کی خصوصی ہدایت کو مدنظر رکھتے ہوئے کوئٹہ اور اس کے مضافات میں ماحول کے معیار کو بہتر بنانے اور فضائی آلودگی کے خلاف محکمہ ماحولیات بلوچستان کی جانب سے مہم کا آغاز کردیا گیا ہے۔

اس سلسلے میں محکمہ ماحولیات بلوچستان نے وزیراعلیٰ کی ہدایات کی روشنی میں فضاء میں دھوئیں اور کاربن کے تدارک کے لئے کوئٹہ میں ان گنت گاڑیوں کو روک کر انہیں جرمانہ کیا جو کاربن اور دھوئیں کے اخراج کے سبب فضائی آلودگی کا باعث بن رہی تھیں۔

محکمہ ماحولیات نے حب میں صنعتوں کا معائنہ کرتے ہوئے سائنٹیفک طریقہ سے ماحولیاتی آلودگی کا جائزہ لیا اور ماحولیاتی آلودگی کا باعث بننے والی صنعتوں کو جرمانے کرتے ہوئے وارننگ جاری کی گئی۔

وفاقی وزیرصحت عامر کیانی اسلام آباد میں فضائی آلودگی کے سدباب کے لیے متحرک

ماحولیاتی آلودگی کا سبب بننے والے عوامل کے جائزہ اور تدارک کے لئے محکمہ ماحولیات کی مہم جاری رہے گی۔

خیال رہے کہ رواں سال اپریل میں وفاقی وزیر صحت عامر کیانی نے اسلام آباد کی فضا میں بڑھتی ہوئی آلودگی کا نوٹس لیتے ہوئے اپنے ایک بیان میں کہا تھا کہ آلودہ فضا شہریوں کو بیمار کرنے کا سبب بن رہی ہے۔

Comments

comments

یہ بھی پڑھیں