site
stats
بلوچستان

بلوچستان :بحریہ کے تحت ساحلی علاقوں میں یوم آزادی کی تقاریب

کراچی: پاک بحریہ کے زیر انتظام بلوچستان کے ساحلی علاقوں میں جشن آزادی کی تقریبات کا انعقاد کیا گیا، اورماڑہ کے میونسپل کمیٹی آفس میں پاک بحریہ کے زیر اہتمام پرچم کشائی کی خصوصی تقریب منعقد کی گئی۔

پاک بحریہ کی جانب سے یوم پاکستان کے موقع پر اورماڑہ کی مقامی ٹیموں اور پاک بحریہ کی ٹیم کے مابین دوستانہ فٹ بال میچ کا بھی اہتمام کیا گیا۔ ترجمان پاک بحریہ کے مطابق پاک بحریہ کی مکران بیس میں مقامی طلبا کے لیے خصوصی تقریب کا انعقاد کیا گیا۔

تقریب میں شریک مقامی طلبا کے لیے پاک بحریہ کی جانب سے ائیر ڈسپلے اور تحائف تقسیم کیے گئے۔گوادر،جیونی،پسنی اور تربت کے اسکولوں میں بھی پاک بحریہ کی جانب سے یوم آزادی کی خصوصی تقریبات کا انعقاد کیاگیا۔

گوادر اور اورماڑہ کے ماہی گیروں کے لیے پاک بحریہ کے زیر اہتمام سبز ہلالی پرچموں سے سجی بوٹ ریلیوں کا انعقاد بھی کیا گیا۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top