بلوچستان: سڑک کنارے بم ناکارہ بنادیا گیا، اسلحہ برآمد -
The news is by your side.

Advertisement

بلوچستان: سڑک کنارے بم ناکارہ بنادیا گیا، اسلحہ برآمد

کوئٹہ: بلوچستان کے ضلع خضدار میں ایف سی اور حساس ادارے کی کارروائی میں بڑی تعداد میں اسلحہ اور بارود برآمد کرلیا گیا جبکہ ضلع لہڑی میں سڑک کنارے نصب بم ناکارہ بنادیا گیا۔

ترجمان فرنٹیئر کور بلوچستان کے مطابق ضلع خضدار کی تحصیل وڈھ میں جوئے نورا کے مقام پر حساس ادارے اور ایف سی نے کارروائی کرتے ہوئے کالعدم تنظیم کے ٹھکانے سے 33دستی بم ،تین آرپی جی راکٹس ،10 کلو گرام بارود اور ایس ایم جی برآمد کرلی تاہم کوئی گرفتار عمل میں نہ آسکی۔

ادھر ضلع لہڑی میں ایف سی نے تخریب کاری کا منصوبہ ناکام بناتے ہوئے پھلیجی چھتر روڈ پر سڑک کنارے نصب 10 کلو وزنی دیسی ساختہ بم قبضے میں لے کر ناکارہ بنادیا۔

فرنٹیر کور ترجمان کے مطابق دہشت گرد بم کے ذریعے مقامی قبائلی شخصیت اور سیکورٹی فورسز کو نشانہ بنانا چاہتے تھے۔

Comments

comments

یہ بھی پڑھیں