The news is by your side.

ترکیہ جانے والی پروازوں میں چھالیہ اور سونف سپاری لے جانے پر پابندی

پاکستان سے ترکیہ جانے والے قومی ایئر لائن (پی آئی اے) کی پروازوں میں چھالیہ اور سونف سپاری لے جانے پر پابندی عائد کر دی گئی۔

ترکیہ میں ہر قسم کی چھالیہ اور سونف سپاری پر پابندی کو مدِ نظر رکھتے ہوئے پی آئی اے نے تمام فضائی میزبانوں کو ہدایت جاری کر دی۔

پی آئی اے کے جنرل منیجر فلائٹ سروسز عامر بشیر کے زیرِ دستخط نوٹی فکیشن جاری کر دیا گیا۔

یہ بھی پڑھیں: چھالیہ اور سپاری نے ترکیہ میں پاکستانی سیاح کو جیل پہنچا دیا

ایئر لائن انتظامیہ کے مطابق پی آئی اے کے تمام فضائی میزبان چھالیہ اور سونف سپاری کے استعمال اور لے جانے پر پابندی کی وجہ سے سختی پر عمل درآمد کریں۔

سول ایوی ایشن اتھارٹی کی ہدایت پر ترکیہ میں چھالیہ پر پابندی کی وجہ سے تمام فضائی میزبانوں پر بھی پابندی کو لازمی قرار دیا گیا ہے۔

یاد رہے کہ اکتوبر میں پاکستانی شہری کو چھالیہ لے جانے پر ترکیہ میں جیل ہوگئی تھی۔ بعد ازاں وزیر اعظم شہباز شریف کی ہدایت پر اسے رہا کیا گیا تھا۔

Comments

یہ بھی پڑھیں