پاکستان نے بھارتی طیاروں پر فضائی حدود کی پابندی میں 24 جون تک توسیع کر دی۔
پاکستان نے بھارتی رجسٹرڈ طیاروں پر عائد فضائی حدود کی پابندی میں توسیع کردی ہے۔ پاکستان ایئرپورٹس اتھارٹی کی جانب سے جاری نوٹم کے مطابق بھارتی سول اور فوجی طیاروں کے لیے پاکستانی فضائی حدود بدستور بند رہیں گی۔
نوٹم کے مطابق بھارتی ایئرلائنز اور ملٹری پروازیں پاکستانی فضائی حدود استعمال نہیں کر سکیں گی جبکہ پابندی میں توسیع کا اطلاق 19 مئی صبح 10 بجکر 40 منٹ سے نافذ العمل ہو گیا ہے۔
پی اے اے کے مطابق بھارتی طیاروں پر پاکستانی فضائی حدود کے استعمال کی پابندی 24 جون صبح 4 بجکر 59 منٹ تک برقرار رہے گی۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں