پشاور کے باچا خان ایئرپورٹ پر اسمارٹ فون استعمال کرنے والے ملازمین کو خبردار کردیا گیا۔
اے آر وائی نیوز کے مطابق پشاور کے باچا خان ایئرپورٹ کے احاطے میں اسمارٹ فونز کا استعمال ممنوع قرار دے دیا گیا، سیکیورٹی وجوہات کی بنا پر سول ایوی ایشن (سی اے اے) نے ملازمین کے لیے نیا حکم نامہ جاری کردیا۔
ایئرپورٹ منیجر کا کہنا ہے کہ ایپرن، لاؤنج میں اسمارٹ فون کا استعمال سختی سے ممنوع ہے۔
نوٹیفکیشن میں کہا گیا ہے کہ ممنوع ایریاز میں اسمارٹ فون کا استعمال ایئرپورٹ منیجر کی اجازت سے مشروط ہوگا۔
ایئرپورٹ منیجر کے مطابق ممنوع علاقے میں فون کے استعمال پر موبائل فون ضبط کرلیا گیا اور کارروائی عمل میں لائی جائے گی۔
ایئرپورٹ کے احاطے میں اسمارٹ فون کے استعمال پر پابندی کا نوٹیفکیشن فوری طور پر نافذ العمل ہوگا۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں