site
stats
سائنس اور ٹیکنالوجی

کیلے کی شکل والا موبائل فون متعارف

کیلی فورنیا: امریکی کمپنی نے کیلے جیسا فون متعارف کروادیا جس کی بیٹری لگاتار 10 گھنٹے تک چلنے کی صلاحیت رکھتی ہے۔

تفصیلات کے مطابق کیلے جیسے موبائل کا تصور کر کے انسان یقیناً دھوکے میں آسکتا ہے مگر اینڈیگو نامی کمپنی نے ناممکن کو ممکن بناتے ہوئے صارفین کو متاثر کرنے کے لیے نئی شکل کا موبائل متعارف کروادیا۔

جدید سہولیات پر مبنی اس فون کی بیٹری لگاتار 10 گھنٹے چل سکتی ہے جبکہ اس میں صرف کال سننے یا منقطع کرنے کے بٹن دیے گئے ہیں تاہم اس کی اسکرین مکمل ٹچ دی گئی ہے۔

کمپنی کا دعویٰ ہے کہ اس میں دیگر فونز کی طرح جدید سسٹم موجود ہے تاہم اس شکل کے موبائل کی تیاری کا مقصد نئے ڈیزائن کو متعارف کروانا تھا جبکہ دوسرا مقصد یہ تھا کہ اس کے ذریعے لوگوں کےچہروں پر مسکراہٹ لائی جاسکے۔

موبائل فون بنانے والی کمپنی کی جانب سے جاری اعلامیے میں اس فون کی قیمت 40 ڈالر مقرر کی گئی ہے تاہم ابھی یہ مارکیٹ میں فروخت کے لیے پیش نہیں کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top