بنگلادیش نے آخری ٹی ٹونٹی میں آسٹریلیا کو 60رنز سے عبرتناک شکست دے کر پانچ میچوں کی سیریز چار ایک سے جیت لی،
ڈھاکہ میں کھیلے گئے میچ میں بنگلہ دیش نے پہلے بیٹنگ کرتے ہوئے آسٹریلیا کو جیت کے لیے 123 رنز کا ہدف دیا۔ 123 رنز کے ہدف کے تعاقب میں آسٹریلیا کی پوری ٹیم 13.4 اوورز میں 62 رنز پر آؤٹ ہوگئی۔
یہ آسٹریلیا کا ٹی20میں کم ترین اسکور ہے۔ اس سے قبل ٹی 20 میں آسٹریلیا کا کم ترین سکور انگلینڈ کے خلاف 79 رنز تھا۔
بنگلہ دیش کی جانب سے شکیب الحسن نے چار کھلاڑیوں کو آؤٹ کیا۔ شکیب الحسن نے چار اوورز صرف نو رنز دیے۔ شکیب الحسن میچ آف دی میچ اور سیریز کے بہترین کھلاڑی قرار پائے۔
بنگلہ دیش نے سیریز چار صفر سے اپنے نام کر لی۔ خیال رہے 13.4 اوورز میں آؤٹ ہونا آسٹریلیا کی جانب سے تینوں فارمیٹ کے کسی بھی میچ کی مختصر ترین اننگز ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں