میرپور: بنگلہ دیش نے سنسنی خیز مقابلے کے بعد بھارت کو دوسرے ایک روزہ میچ میں بھی شکست دیتے ہوئے سیریز اپنے نام کرلی۔
تفصیلات کے مطابق میرپور کے شیر بنگلہ نیشنل اسٹیڈیم میں جاری سیریز کے دوسرے ون ڈے میں بنگلہ دیش نے بھارت کو 272 رنز کا ہدف دیا۔
جواب میں بھارتی ٹیم میچ کے آخری گیند پر آل آؤٹ ہوگئی،بھارتی کپتان روہت شرما کی تیز رفتار نصف سینچری بھی کسی کام نہ آسکی۔
شریاس آئیر کے 82 رنز بھی رائیگاں گئے جبکہ ایکسر پٹیل کے 56 رنز بھی سوائے ریکارڈ کے کچھ نہ کرسکے، اس کے علاوہ کوئی بھی بھارتی بیٹر نمایاں کارکردگی نہ دکھاسکا۔اور بنگلہ دیش نے 5 رنز سے فتح اپنے نام کی۔
Bangladesh hold their nerve to win a thriller 🙌#BANvIND | Scorecard 👉 https://t.co/A76VyZDXby pic.twitter.com/d2pDja0lQV
— ICC (@ICC) December 7, 2022
ویرات کوہلی 5، شیکھر دھون 8، واشنگٹن سندر 11، کے ایل راہول 14 شردل ٹھاکر 7، دیپک چہار 11 رنز بناسکے۔
یہ بھی پڑھیں: بنگلہ دیشی بیٹرز نے بھارت کے خلاف ریکارڈ بناڈالا
بنگلہ دیش کی جانب سے عبادت حسین نے 3 جبکہ مہدی حسن اور شکیب الحسن نے 2 دو کھلاڑیوں کو آؤٹ کیا، محمداللہ نے بھی ایک بھارتی بیٹر کو پویلین کی راہ دکھائی۔
اس سے قبل بنگلادیش نےپہلےکھیل کر7وکٹ پر271رنزبنائےتھے، مہدی حسن نے8ویں نمبرپرشاندارسنچری اسکور کرتے ہوئے سب کو حیران کیا تھا۔
اسی فتح کے ساتھ بنگلہ دیش نے تین میچوں پر متشمل سیریز بھی اپنے نام کرلی، ون ڈے کرکٹ کی تاریخ میں یہ دوسری بار ہوا ہے جب بنگال ٹائیگرز نے بھارت کو شکست دی۔
اس سے قبل دو ہزار پندرہ میں بھی بنگلہ دیش میں کھیلی گئی ون ڈے سیریز میں میزبان ٹیم نے بھارت کو 1-2 سے شکست دیکر پہلی بار سیریز اپنے نام کی تھی۔
سنسنی خیز میچ کی مکمل جھلکیاں
