ڈھاکا: بنگلہ دیش نے نیوزی لینڈ کو دوسرے ٹی 20 میں بھی سنسنی خیز مقابلے کے بعد 4 رنز سے شکست دے دی۔
تفصیلات کے مطابق دوسرے ٹی 20 میچ میں بنگلہ دیش نے مہمان ٹیم کو 142 رنز کا ہدف دیا جس کے تعاقب میں کیوی ٹیم 5 وکٹوں کے نقصان پر 137 رنز بناسکی۔
بنگلہ دیش نے نیوزی لینڈ کے خلاف پانچ میچوں کی سیریز میں 2-0 کی برتری حاصل کرلی۔
کپتان ٹام لیتھم کی 65 رنز کی ناٹ آؤٹ اننگز بھی کیویز کو شکست سے نہ بچاسکی، ول یونگ 22 رنز کے ساتھ نمایاں رہے، ہینری نکولس اور کولن دی گرینڈہوم 6 اور 8 رنز بنا کر پر چلتے بنے۔
بنگلہ دیش کی جانب سے مہدی حسن اور شکیب الحسن نے دو، دو وکٹیں حاصل کیں۔
Bangladesh won by 4 runs.#BANvNZ #RiseOfTheTigers pic.twitter.com/SwzVe8Rrt1
— Bangladesh Cricket (@BCBtigers) September 3, 2021
اس سے قبل بنگلہ دیش نے مقررہ اوورز میں 6 وکٹوں کے نقصان پر 141 رنز بنائے تھے، اوپنر محمد نعیم اور لٹن نے داس نے 59 رنز کا شاندار آغاز فراہم کیا تھا۔
محمد نعیم 39 اور لٹن داس 33 رنز بنا کر آؤٹ ہوئے، مشفیق الرحیم بغیر کوئی رن بنائے پویلین لوٹ گئے، شکیب الحسن 12 رنز بناسکے جبکہ محمود اللہ نے 37 رنز کی ناقابل شکست اننگز کھیلی۔
کیویز کی جانب سے رچن روندرا نے تین کھلاڑیوں کو پویلین کی راہ دکھائی، اعجاز پٹیل اور ہمیش بینیٹ نے ایک، ایک وکٹ حاصل کی۔