The news is by your side.

Advertisement

بنگلادیش دھماکا: اموات کی تعداد 24 ہوگئی

ڈھاکا: بنگلادیش کی مسجد میں ہونے والے ہولناک دھماکے کے نتیجے میں اموات کی تعداد 24 ہوگئی جبکہ متعدد نمازی تشویش ناک حالت میں زیرعلاج ہیں۔

غیرملکی خبررساں ادارے کی رپورٹ کے مطابق گزشتہ جمعے کی رات ڈھاکا میں قائم ایک مسجد میں دوران نماز اچانک زوردار دھماکا ہوا تھا، گیس پائپ لائن پھٹنے کے باعث دھماکے نے چوبیس افراد کی زندگیاں نگل لیں۔

رپورٹ کے مطابق ابتدائی طور پر 16 افراد کی شہادتوں کی اطلاع تھی لیکن اب اموات بڑھ گئی ہیں، جبکہ درجنوں نمازیوں کے جسم بری طرح جھلس چکے ہیں جن میں متعدد کی حالت تشویشناک ہے۔

بنگلہ دیش کی مسجد میں دوران نماز دھماکا، 16 نمازی شہید

زخمیوں کا خصوصی پلاسٹک سرجی اسپتال میں علاج جاری ہے۔ ڈاکٹر کا کہنا ہے کہ شہید ہونے والوں میں ایک 7 سال کا بچہ بھی شامل ہے، زیر علاج 37 افراد کے جسم 90 فیصد تک جل چکے ہیں۔

دھماکے سے متعلق ایک عینی شاہد کا کہنا تھا کہ وہ اپنے گھر کی چھپ پر موجود تھا کہ اچانک ہولناک آواز سنائی دی، بعد ازاں جائے وقوعہ سے دھواں اٹھنے لگا اور پھر شیخنے چلانے کی آوازیں آنا شروع ہوگئیں۔

Comments

یہ بھی پڑھیں