تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

بنگلہ دیش میں دو بم دھماکے‘ 6افرادہلاک

ڈھاکہ : بنگلہ دیش کےشہر سہلٹ میں ہونے والے دو بم دھماکوں میں دو پولیس اہلکاروں سمیت6 افراد ہلاک ہوگئے۔

تفصیلات کےمطابق بنگلہ دیش کے شمالی مشرقی شہر سہلٹ میں ہونے والے دو دھماکوں میں دو پولیس پولیس اہلکاروں سمیت 6 افراد ہلاک جبکہ 40سےزائد افراد زخمی ہوگئے۔

پولیس حکام کےمطابق سہلٹ میں دھماکےاس رہائشی عمارت کےنزدیک ہوئے جہاں پر کمانڈوز داعش کے مشتبہ دہشت گردوں کےخلاف کارروائی میں مصروف تھے۔

پولیس کا کہنا ہے کہ پہلے دھماکہ خیز مواد کو دو موٹر سائیکل سوار افراد لائے جس کے نتیجے میں دھماکہ ہوگیا جبکہ دوسرا دھماکہ سبزیوں میں چھپائے گئے دھماکہ خیز مواد کے نتیجے میں ہوا۔

سہلت پولیس کے ترجمان زیدان الموسیٰ کاکہناہےکہ بم دھماکوں میں دو پولیس اہلکاروں سمیت6 افراد ہلاک ہوئے۔


مزید پڑھیں:بنگلہ دیش میں میں فائرنگ‘رکن پارلیمان ہلاک


پولیس ترجمان زیدان الموسیٰ کا کہنا تھا کہ ان دہشت گردوں کا تعلق داعش سے ہے،پولیس نےانہیں ہتھیار ڈالنے کا کہا لیکن انہوں نے انکار کردیا۔

دہشت گرد تنظیم دولتِ اسلامیہ نے ان دونوں دھماکوں کی ذمہ داری قبول کرنے کا اعلان کیا ہے۔

یاد رہے کہ گزشتہ روز بنگلہ دیش کے دارالحکومت ڈھاکا کے ایئرپورٹ کے قریب دھماکے میں مشتبہ خودکش بمبار ہلاک ہوگیا تھا۔

واضح رہےکہ گزشتہ ہفتے17 مارچ کو بھی بنگلہ دیش کی انسداد دہشت گردی پولیس فورس ’ریپڈ ایکشن بٹالین‘ کی بیرکوں کے قریب دھماکے میں مشتبہ خودکش بمبار ہلاک ہوگیا تھا جبکہ دو پولیس اہلکار زخمی ہوگئے تھے۔

Comments

- Advertisement -