ڈھاکہ: بلاگر کے قتل میں ملوث 5 افراد عدالت میں پیش -
The news is by your side.

Advertisement

ڈھاکہ: بلاگر کے قتل میں ملوث 5 افراد عدالت میں پیش

ڈھاکا: بنگلہ دیش کی پولیس نے بلاگر کے قتل کے الزام میں شدت پسند تنظیم سے تعلق رکھنے والے 5 مشتبہ افراد کو گرفتار کرلیا ہے۔ رواں سال بنگلہ دیش میں 4 روشن خیال افراد کو شدت پسندی کے خلاف لکھنے کے جرم میں قتل کیا جاچکا ہے۔

تفصیلات کے مطابق پولیس نے قتل ہونے والے 4 بلاگرز میں سے پہلے کے قاتلوں کو آج ڈھاکہ میں مجسٹریٹ کی عدالت میں پیش کیا ہے جو کہ فیصلہ کرے گی کہ آیا مقدمے کی کاروائی شروع کی جائے یا مزید تحقیقات کی جائیں۔

ڈھاکہ پولیس کے ترجمان منتشرالسلام کا کہنا ہے کہ’’ہم نے بلاگر وشیق الرحمان کے قتل کے الزام میں 5 افراد کے خلاف چارج شیٹ جمع کرادی ہے‘‘۔

چارج شیٹ میں انصار اللہ بنگلہ ٹیم کے ایک آرگنائزر کو اس کے 4 حامیوں کے ہمراہ گرفتارکیا ہے، پولیس کے مطابق مذکورہ کالعدم تنظیم چاروں بلاگرز کے قتل میں ملوث ہے۔

وزیراعظم شیخ حسینہ کی حکومت کو بلاگرز کے قتل کے میں معاملے میں ناکافی اقدامات پر انتہائی تنقید کا نشانہ بنایاجارہاہے۔

پولیس نے ماہ اگست میں 7 دیگر مذہبی شدت پسندوں کو بلاگرز کے قتل کے الزام میں گرفتار کیا تھا جن میں سے ایک بنگالی نژاد برطانوی شہر ی بھی شامل ہے۔

Comments

comments

یہ بھی پڑھیں