The news is by your side.

Advertisement

دورہ پاکستان، بنگلہ دیش کرکٹ بورڈ نے فیصلہ سنادیا

ڈھاکا: بنگلہ دیش کرکٹ بورڈ نے دورہ پاکستان کے لیے فیصلہ سنادیا۔

تفصیلات کے مطابق بنگلہ دیش کرکٹ ٹیم کو ٹی ٹوینٹی اور 2 ٹیسٹ میچز کی سیریز کے لیے پاکستان آنا ہے جس کا یکطرفہ فیصلہ بنگلہ دیش بورڈ نے سنادیا ہے۔

نمائندہ اے آر وائی نیوز شاہد ہاشمی کے مطابق بنگلہ دیش کرکٹ بورڈ کا کہنا ہے کہ پہلے ٹی 20 کھیلیں گے اس کے بعد ٹیسٹ کھیلنا ہے یا نہیں فیصلہ کریں گے۔

مزید پڑھیں: بنگلہ دیش سیریز کے لیے نہیں آئی تو آئی سی سی کے پاس جائیں گے، احسان مانی

واضح رہے کہ گزشتہ روز چیئرمین پی سی بی احسان مانی نے کہا تھا کہ بنگلہ دیش کرکٹ بورڈ پاکستان میں سیریز کھیلنے نہیں آئے گا تو آئی سی سی میں جاسکتے ہیں۔

ہیڈ کوچ مصباح الحق کا کہنا تھا کہ سری لنکا ٹیسٹ سیریز کھیل کر پاکستان کا کامیاب دورہ کرکے روانہ ہوئی ہے بنگلہ دیش ٹی ٹوینٹی سیریز کھیلنے آسکتا ہے تو ٹیسٹ کھیلنے میں کیا مسئلہ ہے، پاکستان نہ آنے کے لیے بہانے تلاش کیے جارہے ہیں۔

خیال رہے کہ پاکستان میں دس سال ٹیسٹ کرکٹ بحال ہوئی ہے اور قومی ٹیم نے سری لنکا کو دو میچز کی سیریز میں 1-0 سے شکست دی تھی۔

Comments

یہ بھی پڑھیں