واشنگٹن (14 فروری 2026): امریکا نے بنگلادیش میں نئی قیادت کے ساتھ کام کرنے کے لیے عزم ظاہر کر دیا ہے۔
بنگلادیش میں 13 ویں قومی پارلیمانی انتخابات میں بنگلادیش نیشنلسٹ پارٹی (بی این پی) نے میدان مار لیا ہے، الیکشن کمیشن آف بنگلا دیش کے مطابق عام انتخابات میں بی این پی نے 209 جب کہ جماعتِ اسلامی نے 68 نشستیں حاصل کر لی ہیں۔
امریکی وزیر خارجہ مارکو روبیو نے جمعہ کو بی این پی، اس کے رہنما طارق رحمان اور عوام کو جیت پر مبارک باد دی، اور ایکس پر پوسٹ میں لکھا کہ بنگلادیش میں نئی قیادت کے ساتھ کام کرنے کے لیے پرعزم ہیں۔
Congratulations to the Bangladesh Nationalist Party and its leader Tarique Rahman as well as the people of Bangladesh. The United States looks forward to working with the newly elected government to advance prosperity and the security of the region.
— Secretary Marco Rubio (@SecRubio) February 13, 2026
مارکو روبیو نے لکھا کہ خطے کی خوش حالی اور سلامتی کو آگے بڑھانے کے لیے امریکا نومنتخب حکومت کے ساتھ مل کر کام کرنے کا منتظر ہے۔
بنگلادیش کے انتخابات سے متعلق تمام خبریں یہاں پڑھیں
بنگلادیش الیکشن کمیشن کے مطابق پارلیمانی انتخابات میں پارٹی پوزیشن یوں ہے:
بی این پی: 209
جماعت اسلامی: 68
نیشنل سٹیزن پارٹی: 6
بنگلادیش خلافت مجلس: 2
اسلامی اندلون: 1
لافت مجلس اور دیگر مذہبی و سیاسی جماعتیں: ایک ایک نشست
آزاد امیدوار: 7
چٹاگانگ کے چند حلقوں کے نتائج عدالت میں زیرسماعت ہیں۔ الیکشن کمیشن کے مطابق انتخابات میں مجموعی ٹرن آؤٹ 59.44 فی صد ریکارڈ کیا گیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں