ڈھاکا: بنگلادیش کے عبوری سربراہ محمد یونس نے عام انتخابات کی تاریخ کا اعلان کردیا۔
بنگلادیشی میڈیا رپورٹ کے مطابق عبوری سربراہ محمد یونس کا کہنا ہے کہ عام انتخابات اپریل 2026 میں ہوں گے۔
چیف ایڈوائزر بنگلادیش محمد یونس نے کہا کہ الیکشن کمیشن جلد تفصیلی روڈ میپ جاری کرے گا، اصلاحات، انصاف اور انتخابات کے تین نکاتی مینڈیٹ پر حکومت پرعزم ہے۔
انہوں نے کہا کہ شہدا کے خون کا قرض ہے کہ جرائم کے مقدمات میں پیش رفت ہو، تمام سیاسی جماعتوں سے مشاورت کے بعد الیکشن کرانے کا فیصلہ کیا گیا ہے۔
محمد یونس کے مطابق پارلیمان حقیقی نمائندوں پر مشتمل ہوگی، نوجوان ووٹرز کو پہلی بار موقع ملے گا، قوم نئے امیدواروں کے عزم کو پرکھے صرف جماعت یا نشان نہ دیکھے۔
انہوں نے کہا کہ عوام سیاسی جماعتوں سے مخصوص وعدے لیں، بدعنوانی، اقرباپروری اور دہشت گردی کے خلاف عہد لیا جائے۔
محمد یونس نے کہا کہ انتخاب صرف پرامن ووٹنگ نہیں بلکہ نیا بنگلادیش بنانے کا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں