The news is by your side.

Advertisement

بنگلہ دیش میں ہندو پنڈت قتل

ڈھاکہ : بنگلہ دیش میں پیتالیس سالہ ہندو پنڈت شے مناندہ داس بابا جی مہاراج کو ہیلمیٹ پہنے تین موٹر سائیکل سواروں نے قتل کردیا.

تفصیلات کے مطابق ضلعی پولیس چیف گوپی ناتھ کانجی لال کےمطابق ہندو پنڈت شے مناندہ داس باباجی مہاراج کی ہلاکت کا واقعہ جمعے کو ضلع جینائدہ میں پیش آیا.

ہندو پنڈت اس وقت مندر میں پوجا کی تیاری کر رہے تھے کہ تین نوجوان موٹرسائیکل پر آئے اور ان کی گردن پر چاقوں سے وار کیے،جس سے وہ جان کی بازی ہار گیا.

یاد رہے کہ خود کو دولتِ اسلامیہ کہلانے والی شدت پسند تنظیم نے حالیہ عرصے میں بنگلہ دیش میں ہونے والے قتل کے واقعات کی ذمہ داری قبول کی ہے.

دوسری جانب وزارتِ داخلہ ملک میں دولتِ اسلامیہ کی موجودگی سے انکاری ہے اور ان واقعات کا الزام مقامی شدت پسند گروہ پر عائد کرتی ہے.

بنگلہ دیشی حکومت کے مطابق شدت پسندوں کے خلاف مہم جاری ہے اور اب تک ہزاروں افراد کو گرفتار کیا گیا ہے.

واضح رہے رواں ہفتے ہی بنگلہ دیشی حکومت نے اٹلی کے ایک سماجی کارکن کی ہلاکت کے مقدمے میں سات افراد کو سزا دی تھی.

Print Friendly, PDF & Email

Comments

comments

یہ بھی پڑھیں