بنگلادیش نے پاکستان کو رینکنگ میں پیچھے چھوڑ دیا، آئی سی سی رینکنگ میں بنگلادیش ترقی پا کر چھٹے نمبر پر آگئی جب کہ پاکستان ساتویں نمبر پر ہے۔
پاکستان کو گزشتہ روز پہلے ون ڈے میں آسٹریلیا کے ہاتھوں 88 رنز سے شکست کا سامنا کرنا پڑا تھا جس سے بنگلا دیش رینکنگ میں معمولی برتری سے آگے نکل گئی۔
بابر اعظم کی ٹیم جولائی 2021 میں انگلینڈ کے خلاف اپنی آخری ون ڈے سیریز 3-0 سے ہاری تھی اس کے بعد سے انہوں نے ون ڈے کرکٹ نہیں کھیلی ہے اس کے برعکس بنگلہ دیش ون ڈے فارمیٹ میں اپنی شاندار کارکردگی کو جاری رکھے ہوئے ہے۔
بنگال ٹائیگرز نے زمبابوے کو وائٹ واش کرتے ہوئے ہوم گراؤنڈ پر سری لنکا (2-1) اور افغانستان (2-1) کو شکست دے کر لگاتار چار ون ڈے سیریز جیتی ہیں۔
بنگلا دیشی ٹیم نے حال ہی میں جنوبی افریقہ کو پہلی بار اسی کی سرزمین پر میں 2-1 سے شکست دی اور رینکنگ میں ایک ترقی پا کر چھٹے نمبر پر آگئی۔
پاکستان اور بنگلا دیش کے ساتھ 93 ریٹنگ پوائنٹس پر برابر ہے اور اس وقت آسٹریلیا کے ساتھ ہوم گراؤنڈ پر کھیل رہا ہے اور اس کے پاس سیریز کے بقیہ دو میچ جیت کر چھٹے نمبر پر پہنچنے کا موقع ہے۔
