ڈھاکا: بنگلادیش پریمیئر لیگ ملتوی ہونے کے خدشات ختم ہوگئے، آج بی پی ایل کے میچز کھیلے جائیں گے۔
رپورٹس کے مطابق بنگلادیش کرکٹ بورڈ اور کرکٹرز کے درمیان رات گئے معاملات طے پا گئے جس کے بعد میچز کو ری شیڈیول کردیا گیا اور آج میچز کا انعقاد کیا جائے گا۔
بنگلادیش کرکٹ بورڈ نے نئے شیڈیول کا اعلان کردیا ہے جس کے مطابق کل ملتوی ہونے والے میچز آج کھیلے جائیں گے جبکہ 16 جنوری کو ہونے والے میچز 17 اور 17 جنوری کو ہونے والے میچز 18 جنوری کو ہوں گے جبکہ 19 جنوری کا ایلیمینیٹر اور کوالیفائر ون میچ اب 20 جنوری کو ہوگا۔
رپورٹس کے مطابق بی سی بی نے بی پی ایل کے ملتوی ہونے والے میچز کے ٹکٹس شائقین کو ری فنڈ کرنے کا بھی فیصلہ کیا ہے۔
بنگلادیش کرکٹ بورڈ نے فنانس کمیٹی کے سربراہ کو عہدے سے برطرف کردیا
بی سی بی کے مطابق 16 جنوری کے میچز کے خریدے گئے ٹکٹس پر شائقین میچز دیکھ سکیں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں