ڈھاکا: بنگلا دیش میں توانائی کی کھپت میں کمی کیلیے عید تک تمام یونیورسٹیاں بند کردی گئی ہیں۔
غیر ملکی ذرائع ابلاغ کے مطابق نجی و سرکاری یونیورسٹیوں میں زیادہ بجلی استعمال ہونے پر حکام نے فیصلہ کیا ہے۔
یہ فیصلہ ہنگامی اقدامات کے تحت عید الفطر کی تعطیلات وقت سے پہلے شروع کرنے کے مقصد سے کیا گیا ہے تاکہ بجلی اور ایندھن کی بچت کی جا سکے۔
حکام کے مطابق اس فیصلے کا اطلاق ملک کی تمام سرکاری اور نجی یونیورسٹیوں پر ہوگا۔ حکام کا کہنا ہے کہ اس اقدام سے نہ صرف بجلی کے استعمال میں کمی آئے گی بلکہ ٹریفک کے ہجوم میں کمی کے باعث ایندھن کے ضیاع کو بھی روکا جا سکے گا۔
یونیورسٹی کیمپسز، رہائشی ہالز، لیبارٹریز اور ایئر کنڈیشننگ کے باعث بجلی کا ایک بڑا حصہ صرف کرتے ہیں۔ حکام کو امید ہے کہ ان اداروں کی بندش سے ملک کے دباؤ کا شکار پاور سسٹم کو ریلیف ملے گا۔
پوپ لیو کی ایران اور مشرقِ وسطیٰ میں بمباری روکنے اور مذاکرات کی اپیل
واضح رہے کہ بنگلہ دیش میں سرکاری اور نجی اسکول ماہِ رمضان کی مناسبت سے پہلے ہی بند ہیں۔ یونیورسٹیاں بند ہونے کے بعد اب ملک بھر کے تقریباً تمام بڑے تعلیمی ادارے بند رہیں گے۔ مزید برآں، حکومت نے بجلی کی بچت کے لیے غیر ملکی نصاب والے اسکولوں اور نجی کوچنگ سینٹرز کو بھی اپنی سرگرمیاں معطل کرنے کی ہدایت کی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں