ہوبارٹ: بنگلادیش کے اوپنر بیٹسمین سومیا سرکار نے نیدرلینڈز کے خلاف پہلے اوور میں دل کش اسٹروکس کھیلے۔
تفصیلات کے مطابق ٹی 20 ورلڈ کپ کے سپر 12 مرحلے میں آج بنگلا دیش اور نیدرلینڈز کے مابین میچ جاری ہے، بنگلادیش نے نیدرلینڈز کو جیت کے لیے 145 رنز کا ہدف دے دیا ہے۔
اگرچہ اوپنر سومیا سرکار نے نیدرلینڈز کے خلاف محض 14 رنز کی اننگ کھیلی، تاہم پہلے اوور میں انھوں نے نیدرلینڈز کے بولر فریڈ کلاسین کو دو دل کش باؤنڈریز ماریں۔
آئی سی سی ٹی ٹوئنٹی ورلڈ کپ کے فیس بک پیج پر پہلے اوور کے اسٹروکس کی ویڈیو شیئر کی گئی ہے، جس میں سومیا سرکار کے اسٹروکس کو دیکھا جا سکتا ہے۔
خیال رہے کہ بنگلا دیش نے نیدرلینڈز کو جیت کے لیے 145 رنز کا ہدف دے دیا ہے، بنگال ٹائیگرز نے 8 وکٹوں پر 144 رنز بنائے، عفیف حسین 38 رنز بنا کر نمایاں رہے، نجم الحسین نے 25 رنز بنائے۔
نیدرلینڈز کی جانب سے پال وین اور باس ڈی لیڈے نے 2،2 وکٹیں لیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں