The news is by your side.

Advertisement

ون ڈے اور ٹی 20 سیریز، بنگلہ دیشی خواتین کرکٹ ٹیم کل پاکستان پہنچے گی

لاہور: بنگلہ دیشی خواتین کرکٹ ٹیم نے پاکستان کا دورہ کرنے کی ہامی بھرلی، بنگلہ دیش خواتین کرکٹ ٹیم کل پاکستان پہنچے گی.

تفصیلات کے مطابق بنگلہ دیش کی خواتین کرکٹ ٹیم نے دورہ پاکستان کے لیے ہامی بھرلی ہے، بنگلہ دیشی ٹیم لاہور میں‌ ٹی ٹوینٹی اور ون ڈے سیریز کھیلے گی.

رپورٹ کے مطابق خواتین چیف سلیکٹر عروج ممتاز کل کراچی میں قومی ٹیم کا اعلان کریں گی۔

ٹی ٹوینٹی سیریز کی ٹرافی کی رونمائی 24 اکتوبر کو قذافی اسٹیڈیم میں ہوگی اور 26، 28 اور 30 اکتوبر کو ٹی ٹوینٹی سیریز قذافی اسٹیڈیم لاہور میں کھیلی جائے گی۔

دونوں ٹیموں کے درمیان ون ڈے سیریز 2 اور 4 نومبر کو لاہور میں ہوگی۔

دورہ پاکستان کے لیے بنگلہ دیش خواتین کی14 رکنی ٹیم کا اعلان بھی کردیا گیا ہے، سلمیٰ خاتون ٹی ٹوینٹی کی قیادت کریں گی جبکہ رومانا احمد ون ڈے سیریز میں کپتانی کی فرائض انجام دیں گی۔

بنگلہ دیش خواتین ٹیم کی دیگر کھلاڑیوں میں جہاں آرا عالم، شمیمیٰ سلطانہ، نگار سلطانہ، عائشہ رحمان، سنجیدا اسلام، لتا موندل، پنا گھوش، ایکا مولک، خدیجتہ الکبریٰ، شرمین سلطانہ، فرزانہ حق پنکی، شرمین سلطانہ سپتا شامل ہیں۔

Comments

comments

یہ بھی پڑھیں