دہشتگرد تنظیموں اُنکے سہولت کاروں کے 2 ہزار سے زائد بینک اکاؤنٹس منجمد -
The news is by your side.

Advertisement

دہشتگرد تنظیموں اُنکے سہولت کاروں کے 2 ہزار سے زائد بینک اکاؤنٹس منجمد

اسلام آباد : اسٹیٹ بینک نے نیکٹا کی ہدایات پر عمل شروع کردیا۔ دہشت گرد تنظیموں کے دو ہزار اکیس اکاؤنٹ منجمد کردیئے۔

تفصیلات کے مطابق نیشنل کاﺅنٹر ٹیرر ازم اتھارٹی ”نیکٹا“کی ہدایت پر عمل درآمد شروع ہو گیا ،اسٹیٹ بینک نے ملک دشمنوں کے گرد گھیرا مزید تنگ کردیا۔

ملک بھر سے دہشت گرد تنظیموں اُن کے سہولت کاروں کے 2ہزار سے زائد مشتبہ افراد کے بینک اکاؤنٹس منجمد کردئیے گئے۔

حیرت انگیزطورپردہشت گردی سے سب سے زیادہ متاثرہ خیبر پختونخوا میں کسی کا اکاؤنٹ سیزنہیں کیا گیا۔ ملک بھرمیں بینکوں نے شیڈول فورمیں شامل افراد کے نام اور شناختی کارڈ کی تفصیل ملنے پر کل دو ہزاراکیس اکاؤنٹس فریز کردیئے۔

نیشنل کاؤنٹر ٹیررازم اتھارٹی کے مطابق دارالحکومت اسلام آباد میں ستائیس ، پنجاب میں ایک ہزار چار سو تینتالیس ، سندھ میں دو سو چھبیس اور بلوچستان میں ایک سو ترانوے اکاؤنٹس منجمند کئے گئے۔

گلگت بلتستان کے ایک سو چھ اورآزاد کشمیرمیں چھبیس اکاؤنٹس فریز کئے گئے۔ ذرائع کے مطابق اسٹیٹ بینک نے نجی بینکوں کو 15روز میں اکاؤنٹس منجمد کرنے کی ہدایت کی تھی۔

 

Comments

comments

یہ بھی پڑھیں