The news is by your side.

Advertisement

شادی کی انگھوٹی ڈھونڈنے بینک ملازم کوڑے دان میں کود گیا

امریکا میں بینک ملازم شادی کی انگوٹھی ڈھونڈنے کے لیے کچرے سے بھرے ڈبے میں کود پڑا۔

یہ واقعہ ریاست نارتھ ڈکوٹا کے شہر بسمارک میں پیش آیا جہاں مقامی بینک میں کام کرنے والی ‏خاتون ٹرینا برنس کی انگوٹھی کھو گئی۔

خاتون کے مطابق وہ کام سے گھر لوٹ رہی تھی کہ انہیں اندازہ ہوا کہ انگلی میں شادی کی ‏انگوٹھی نہیں ہے، اس خیال کے ساتھ کہ شاید گھر میں ہی رہ گئی ہو وہ گھر روانہ ہو گئیں۔

Watch: Bank employees climb into dumpster to search for wedding ring -  UPI.com

گھر میں تلاش کی تو انگوٹھی نہیں ملی اور وہ 32 سال پرانی شادی کی یادگار کے کھونے پر افسردہ ‏ہو گئیں۔ اگلے روز بینک گئیں تو ملازمین سے کہا کہ ان کی کھوئی ہوئی انگھوٹی کی تلاش کریں ‏جس پر ساتھیوں نے اردگرد ڈھونڈا شروع کیا لیکن نہیں ملی۔

ساتھیوں نے مشورہ دیا کہ ہو سکتا ہے صفائی کے دوران انگھوٹی کچرے میں شامل ہو گئی اور ‏اسے کوڑے دان میں پھینک دیا ہو، یہ بات سن کر کچھ ساتھی کوڑا کرکٹ میں تلاش کے لیے پہنچ ‏گئے۔

ایک ساتھی نے چھلانگ لگائی اور کچرے کے ڈبے میں کود گیا لیکن بھرپور کوششوں کے باوجود ‏انگوٹھی نہیں ملی، افسردہ خاتون جب اگلے دن آفس آئی تو انہیں خیال آیا کہ پارکنگ لاٹ میں ‏شاید انگوٹھی گری تھی اور تلاش کے بعد اسے اپنی یادگار انگوٹھی مل گئی۔

Comments

یہ بھی پڑھیں