تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

بینک لوٹنے والی بوڑھی عورت کون تھی؟ حیرت انگیز انکشاف

امریکا میں بینک ڈکیتی کی انوکھی واردات سامنے آئی ہے جسے لوگ دیکھ کر حیران رہ گئے، ملزم نے کمال ہوشیاری سے سب کو بے وقوف بنادیا۔

جارجیا میں پولیس ایک ایسے شخص کی تلاش میں سرگرداں ہے جس پر ایک بوڑھی خاتون کے روپ میں بینک ڈکیتی کا الزام ہے اور وہ ملزم پولیس کیلئے چھلاوا بنا ہوا ہے۔

غیر ملکی خبر رساں ادارے کی رپورٹ کے مطابق یہ واقعہ پیر کے روز جنوب مشرقی اٹلانٹا کی ہینری کاؤنٹی میں پیش آیا، مشتبہ شخص کو 6 فٹ لمبا پتلا آدمی بتایا گیا ہے۔

مذکورہ شخص نے ڈکیتی کے وقت پھولدار لباس، سفید جوتے، نارنجی رنگ کے دستانے، سفید وگ اور سیاہ رنگ کا ماسک پہنا ہوا تھا جو خود کو ایک بزرگ خاتون ظاہر کر رہا تھا۔

پولیس کی فیس بک پوسٹ کے کیپشن کے مطابق اس شخص نے مبینہ طور پر بینک کے عملے کے ایک رکن کو رقم دینے کا مطالبہ کرتے ہوئے ایک نوٹ دیا اور اُسے بتایا کہ اس کے پاس بندوق ہے، رقم چھیننے کے بعد مشتبہ شخص بینک سے باہر نکلا اور فرار ہونے میں کامیاب ہو گیا۔

پولیس کی جانب سے سوشل میڈیا پر اس شخص کی بزرگ خاتون کے بھیس میں تصاویر شیئر کی گئی ہیں جبکہ صارفین نے اس عجیب و غریب واقعے پر فوری ردِعمل بھی ظاہر کیا ہے۔

Comments

- Advertisement -