The news is by your side.

Advertisement

مرید عباس کے قاتل کی مشکلات میں اضافہ

کراچی : بینکنگ کورٹ  کو مرید عباس قتل کیس کے ملزم کیخلاف شکایت موصول ہوئی ، جس کے بعد بینکنگ عدالت نے اشتہار کے ذریعے ملزم کو عدالت میں پیش ہونے اور وضاحت دینے کا حکم دے دیا۔

تفصیلات کے مطابق اینکر مرید عباس قتل کیس کے ملزم عاطف زمان کی مشکلات میں اضافہ ہوگیا ، ملزم عاطف زمان کیخلاف بینکنگ کورٹ کو شکایت موصول ہوئی، شکایت میں شہری نے عاطف زمان سے 50 لاکھ 55 ہزار 858 روپے ریکور کرانے کے لیے درخواست دی۔

کراچی کی بینکنگ عدالت نے شکایت پر اشتہار کے ذریعے ملزم کو عدالت میں پیش ہونے اور وضاحت دینے کا حکم دے دیا ، جاری کردی اشتہار میں کہا گیا ہے کہ اگر 30 یوم میں عدالت میں جواب نہ دیا گیا تو مدعی کی شکایت کو درست سمجھا جائے گا۔

چند روز قبل محکمہ داخلہ سندھ کا کہنا تھا کہ اینکرمریدعباس قتل کیس کی سماعت جیل میں ہوگی، کیس انتہائی ہائی پروفائل ہے،ملزمان عاطف زمان اور عادل زمان کو سٹی کورٹ میں پیش کرتے وقت ناخوشگوار واقعہ رونما ہوسکتا ہے۔

مزید پڑھیں : اینکر مرید عباس قتل کیس کی سماعت جیل میں ہوگی ، نوٹی فکیشن جاری

یاد رہے اینکر مرید عباس قتل کیس کی تحقیقات میں انکشاف ہوا تھا کہ مرید اور اس کے دوستوں کے علاوہ نجی ٹی وی کے دو اینکرز سمیت کئی افراد کی بھی کروڑوں روپے کی انویسٹمنٹ تھیں، دونوں نے ساڑھے8کروڑ روپے لگائے۔

تفتیش میں ملزم عاطف کےگیارہ بینک اکاؤنٹس کا بھی انکشاف ہوا تھا اور ان بینک اکاؤنٹس کےتحقیقات کے لئے ایف آئی اے سے رابطہ کیا گیا۔

واضح رہے کہ سالِ رواں 9جولائی کوکراچی کے پوش علاقے ڈیفنس میں پیسوں کے لین دین کے تنازع پر ملزم عاطف زمان نے ٹی وی اینکر مرید عباس اور ان کے دوست کو فائرنگ کر کے قتل کر دیا تھا۔ملزم عاطف زمان نے اس دہرے قتل کے بعد خود کو بھی گولی مار کر خودکشی کی کوشش کی تھی تاہم اسے بچا لیا گیا تھا۔

Comments

یہ بھی پڑھیں