تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

یونیورسٹی سائنس اینڈٹیکنالوجی بنوں میں ڈگری درخت لگانے سے مشروط

پشاور: : یونیورسٹی سائنس اینڈٹیکنالوجی بنوں نے ڈگری درخت لگانے سے مشروط کردی اور کہا جو طلبہ کم ازکم ایک درخت نہیں اگاسکیں گےان کوڈگریاں نہیں دی جائیں گی۔

تفصیلات کے مطابق یونیورسٹی سائنس اینڈٹیکنالوجی بنوں نے ڈگری درخت لگانے سے مشروط کرتے ہوئے پلانٹیشن مہم کےدوران ہر طالب علم کے ذمے ایک درخت لگانا لازمی قرار دیا ہے۔

ڈائریکٹراکیڈمکس کوکلیئرنس فارم میں پلانٹیشن سے متعلق اضافی کالم کی ہدایت کردی ہے ۔

ڈائریکٹرایڈمنسٹریشن یونیورسٹی آف سائنس بنوں کی جانب سے اعلامیہ جاری کیا گیا ہے ، جس میں کہا گیا ہے کہ ملک کوسرسبزبنانے کی مہم کاآغازہوچکا، اور زیادہ درخت لگانے کی ہدایت کی۔

اعلامیہ کے مطابق تمام شعبہ جات کےچیئرمین مذکورہ درختوں کاریکارڈاپنےپاس رکھیں گے، کیمپس کوآرڈینیٹرماہانہ پراگرس رپورٹ پیش کرےگی، جو طلبہ کم ازکم ایک درخت نہیں اگاسکیں گےان کوڈگریاں نہیں دی جائیں گی۔

خیال رہے پاکستان کو سرسبزوشاداب بنانے کے لیے عمران خان نے مہم کا آغاز کیا تو ملک کے طول و عرض میں بسنے والے شہریوں نے بھی ’سبزوصاف پاکستان‘ مہم میں حصہ لیا۔

بعد ازاں عمران خان نے ملک بھر میں ’پلانٹ فار پاکستان‘ کے نام سے ایک روزہ شجر کاری مہم چلانے کا اعلان کیا تھا جس میں عوام نے بڑھ چڑھ کر حصہ لیا اور ملک بھر میں 15 لاکھ پودے لگائے۔

کچھ روز قبل عمران خان نے ملک کی خوبصورتی کو مزید اجاگر کرنے کے لیے ’کلین اینڈ گرین پاکستان‘ مہم کا اعلان کیا تھا، جس کا آج وزیر اعظم نے خود پودہ لگا کر باقاعدہ آغاز کیا تھا۔

سرسبزوصاف مہم کا اعلان ہونے کے بعد CleanGreenPakistan# اور hogaSaafPakistan# کے ناموں سے ٹرینڈ چلنا شروع ہوئے اور عوام کی بڑی تعداد نے اس میں حصہ لیا اور دیکھتے ہی دیکھتے یہ ٹاپ ٹرینڈ بن گئے تھے۔

Comments

- Advertisement -