The news is by your side.

Advertisement

ڈونلڈ ٹرمپ کو اقتدار کی پرامن منتقلی یقینی بنائی جائے، باراک اوبامہ

واشنگٹن : امریکی صدر باراک اوبامہ نے نو منتخب صدر ڈونلڈ ٹرمپ کو ان کی کامیابی پر مبارکباد دی ہے ، صدر اوبامہ نے اپنی ٹیم کو ہدایات جاری کی ہیں کہ نو منتخب صدر کو اقتدار کی پر امن منتقلی یقینی بنائی جائے۔

ان خیالات کا اظہار انہوں نے امریکی صدارتی انتخاب میں ڈونلڈ ٹرمپ کی کامیابی کے بعد بدھ کو واشنگٹن میں وائٹ ہاؤس تقریب سے خطاب کرتے ہوئے کیا۔

براک اوباما نے کہا کہ انتخابات جیتنے کے بعد جس طرح ڈونلڈ ٹرمپ نے ملک کے تمام لوگوں کو ساتھ لیکر چلنے کی بات کی ہے، اس سے انہیں حوصلہ ہوا ہے اور یوں سارا ملک بطور صدر مسٹر ٹرمپ کی کامیابی کے یے بھرپور کوشش کرے گا۔

امریکی صدر نے کہا کہ میں چاہتا ہوں کہ اقتدار کی منتقلی بہتر انداز میں ہو کیونکہ آخر کار ہم ایک ہی ٹیم کا حصہ ہیں۔ ان کا مزید کہنا تھا کہ اہم بات یہ ہے کہ ہم سب تمام شہریوں کے ساتھ نیک نیتی کے جذبے سے آگے بڑھیں۔ انہیں امید ہے کہ امریکہ کا ناقابلِ یقین سفر آگے بڑھے گا۔

اپنے خطاب میں انہوں نے اشارہ دیا کہ ان کے اور ڈونلڈ‌ ٹرمپ کے درمیان بہت زیادہ تفریق ہے۔ ٹرمپ نے گذشتہ آٹھ برسوں میں اوباما کی جانب سے کیے جانے والے اقدامات کی منسوخی کا وعدہ کیا تھا۔

براک اوباما کی جانب سے ووٹروں کو تنبیہ کی گئی تھی کہ اگر ٹرمپ صدر بن گئے تو تمام اقدامات پر پانی پھر جائے گا۔

Print Friendly, PDF & Email

Comments

comments

یہ بھی پڑھیں