واشنگٹن: امریکی صدر بارک اوباما نے کہا ہے کہ امریکہ کو متحد کرنے میں مسلمانوں کے کردار پر مسلم کمیونٹی کا شکر گزار ہوں، امریکی قوم اسلام اورمسلمانوں کےکردارسےناواقف ہے۔
یہ بات انہوں نے بالٹی مور کی مسجد میں مسلم کمیونٹی سے ملاقات کی۔ امریکی صدر باراک اوباما بالٹی مور کی مسجد میں پہنچ گئے جہاں انہوں مذہبی آزادی کے آئینی حق پر آواز بلند کی۔
اپنے خطاب میں ان کا کہنا تھا کہ امریکامیں مسلمانوں سےناروا سلوک پر دکھ ہوتا ہے، انہوں نے کہا کہ حالیہ دنوں میں مسلمانوں کے خلاف نا قابل معافی سیاسی بیانات سننے کو ملے۔
امریکہ میں مسلمانوں کے خلاف بیانات کی کوئی گنجائش نہیں ہے، امریکامیں مساجد نے بھی ملک کی خدمت کی ہے، انہوں نے کہا کہ اسلام پرامن مذہب ہے ،دہشت گردی کے واقعات کے بعد اسلام کا غلط تصور پیش کیا گیا ۔
انہوں نے کہا کہ ہم سب خاندان کی طرح ہیں اور ہماری مشکلات بھی مشترکہ ہیں۔ امریکامیں مسلمانوں کوہراساں کیا جارہاہے، جو انتہائی قابل مذمت ہے۔
