site
stats
اہم ترین

سانحہ اورلینڈو امریکی تاریخ کا بدترین دن ہے ، باراک اوباما

واشنگٹن: امریکی صدر باراک اوباما نے اورلینڈو شہر میں نائٹ کلب میں فائرنگ کے دوران 50 ہلاکتوں پر ردعمل ظاہر کرتے ہوئے کہا ہے کہ آج کا دن امریکی تاریخ کا بدترین دن ہے ، فائرنگ کا واقعہ شدت پسندی اور دہشت گردی ہے۔

واقعہ پر خطاب کرتے ہوئے امریکی صدر کا کہنا تھا کہ آج امریکی تاریخ میں آج ایک اور خطرناک حملہ کیا گیا، فائرنگ کے واقعے کو سنجیدگی سے لیا ہے، ایف بی آئی سے واقعہ کی تمام ترتفصیلات حاصل کرلی ہیں، تحقیقات میں تمام پہلوؤں کا جائزہ لیا جارہا ہے، واقعے میں کوئی بھی ملوث ہو ،اس کے خلاف سخت کارورائی کی جائے گی۔

انہوں نے مزید کہاکہ دہشت گردی کے خلاف مشترکہ کوششیں جاری رکھیں گے، اورلینڈو کے شہریوں کو ہرممکن تحفظ فراہم کیا جائے گا، ان کا تحفظ ہماری اولین ترجیح ہے،تمام امریکی شہری اس دکھ میں شریک ہیں اورمتاثرین کے ساتھ ہیں،فائرنگ کے واقعہ میں ہلاک شدگان کو خراج عقیدت پیش کرتا ہوں ۔

دریں اثنا امریکی صدارتی امیدواروں نے بھی ریاست فلوریڈا کے شہر اورلینڈو کے نائٹ کلب میں فائرنگ کے واقعے کی مذمت کی ہے۔

اپنے ٹوئٹر پیغام میں ہیلری کلنٹن نے متاثرہ خاندانوں سے ہمدری کا اظہارکیا اور کہاکہ انتخابات میں کامیابی کے بعد وہ ملک میں اسلحہ کے کنٹرول کے قانون میں مزید سختی لائیں گی۔

صدارتی امیدوار ڈونلڈ ٹرمپ نے کہا ہے کہ کلب میں فائرنگ کا واقعہ انتہائی افسوس ناک ہے،پولیس کی تفتیش جاری ہے، واقعے میں کئی قیمتی جانوں کا ضیاع ہوا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top