site
stats
اہم ترین

کراچی میں بارش، 500 فیڈر بند، آدھا شہر بجلی سے محروم

کراچی: شہر قائد میں پہلی بارش کے پانی کا پہلا قطرہ گرتے ہی شہر بھر میں بجلی فراہم کرنے والے500 سے زائد فیڈر بند ہوگئے جس کے سبب آدھاشہر اندھیرے میں ڈوب گیا۔

تفصیلات کے مطابق کراچی میں افطاری کے بعد بارش کا آغاز ہوتے ہی کراچی کے 500 سے زائد فیڈر ٹرپ کرگئے، جس کی وجہ سے کراچی شہر کا آدھے سے زائد حصہ بجلی کی فراہمی سے محروم ہوگیا۔

دوسری جانب کے الیکٹرک کے ترجمان کا کہنا ہے کہ کراچی کے چاروں ریجنز میں کے الیکٹرک کا عملہ اسٹینڈ بائی رہے گا، جہاں بجلی بند ہوگی اسے بحال کرنے کی فوری کی کوشش کی جائے گی۔

کراچی کو پانی فراہم کرنے والے مرکزی دھابے جی پمپنگ اسٹیشن پر بجلی کا بریک ڈاؤن بھی ہوا ہے جس سے پپری اور گھارو پمپنگ اسٹیشن پر بھی بجلی کی سپلائی معطل ہوگئی ہے جس کے باعث دونوں اسٹیشنوں سے شہر کو پانی کی سپلائی بند ہوگئی ہے۔

الینڈ روڈ، نرسری، گذری، اور لالہ زار گرڈ اسٹیشن میں فنی خرابی کے باعث بیشتر علاقے اندھیرے میہں ڈوبے رہے۔

کراچی کے دیگر علاقوں میں کلفٹن، نرسری، کورنگی، ڈیفنس، قیوم آباد، جیکبب لائن سلطان آباد ایف بی ایریا، ڈی ایچ اے فیز فائیو طارق روڈ ، اورنگی ٹاؤن، سمیت کئی علاقے بجلی سے محروم ہوگئے، علاوہ ازیں‌ ریڈ زون کا علاقہ بھی اندھیرے میں ڈوبا ہوا ہے۔

کے الیٹرک نے عوامی مفاد میں پیغام دیتےہوئے کہا ہےکہ شہری بجلی کے کھمبوں سے دور رہیں، تار کے نیچے کھڑے نہ ہوں، گیلے ہاتھ الیکٹرک کی کسی بھی شے کو ہاتھ نہ لگائیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top